Nursing: an essential expression of human endeavour. Inaugural lecture: the Helen and Morris Mauerberger Chair of Nursing.

Verpleging het uit ’n maatskaplike behoefte aan sorg vir siekes ontstaan. Verskeie groepe en individue het deur die eeue heen ’n verreikende invloed op die ontwikkeling van verpleging gehad en dit uitgebou tot die professie wat ons vandag ken. In die moderne wêreld oefen veral ontwikkeling in tegnologie ’n groot invloed uit — vergelyk byvoorbeeld die toekomstige rol van rekenarisering op gesondheidsdienste en verpleging. Die tegnologie het ’n groot bydrae gelewer tot die bevordering van gesondheidsorg en die mens, en nie tegnologie nie, is self vir dehumanisering van gesondheidsdiens te blameer. Dit is die taak van verpleegonderwys om die balans tussen menslikheid en die wetenskap te handhaaf. Toewyding is noodsaaklik in verpleging en die student se toewyding moet voile geleentheid kry om te groei en te verdiep deur betekenisvolle en relevante verpleegonderwys.